Kyk net hoe ‘n voortvarende outjie is Sebastiaan.
Hy hardloop die toekoms vrolik en huppelend in.
Sy ogies gerig na bo – daar waar hy weet sy krag en sterkte vandaan kom.

Magriet is ‘n mamma in wording, ma-(griet).
Sy sit knielend, so asof sy die skoot van die aarde is, biddend.
In haar hande is ‘n bossie magrietjies gepluk uit die karoo-veld.
Sy is nogals so bietjie van ‘n introvert maar het ‘n hart van goud!